नातू अंगणात खेळत होता.
मी पोर्चमध्ये झोपाळ्यावर बसून पेपर वाचत होतो.
बाहेरच्या गेटजवळ गाडी थांबली तसा नातू ओरडला,
"बाबा, डॉक्टर काका आले."
" ये रे चहा घ्यायला.!" मी हात हालवून त्याला बोलावले.
"नाही काका, घाई आहे" म्हणत त्याने एक पत्रिका शौर्यजवळ दिली व गाडी पलटवून निघून गेला.
   शौर्य पत्रिका घेऊन आला. तेवढ्यात सौ बाहेर आली.
" कोण आले होते? कसली पत्रिका आहे?" तिने विचारले.
" अगं, डॉक्टरच्या मुलाचा वाढदिवस आहे. तोच आला होता पत्रिका घेऊन.." पत्रिका वाचत मी तिला माहिती दिली.
" अरे....बाहेरच्या बाहेरून गेला. घरात आलाही नाही." सौ म्हणाली.
तसा शौर्य म्हणाला, " अगं...बाबा रोज apple खातात नं."
"मग काय झालं?" ती म्हणाली.
" म्हणून डॉक्टर काका घरात येत नाहीत. An apple a day, keeps doctor away."

           मी व सौ एकमेकांच्या तोंडाकडे पाहत राहिलो.

हे आजकालचे पोट्टे ना....कुठला कुठं संबंध लावतील..काही नेम नाही.

                                     ©सुरेश इंगोले.